पथरी शनिश्चरे -उच्च शिक्षालय तथा माध्यमिक विद्यालय सङ्घ नेपाल, मोरङ (हिसान) द्वारा आयोजित हिसान खेल सप्ताह २०८१ मा जिल्ला स्तरीय नकआउट भलिबल र फुटबल दुवै प्रतियोगितामा रेडस्टार छात्रा टिम प्रथम र छात्र टिम 'फस्ट रनर अप' हुन सफल भएको छ।फुटबल ,भलिबल ,क्रिकेट, ब्याडमिन्टन लगायतका विभिन्न खेलहरूको आयोजना गर्दै उक्त हिसान खेल सप्ताह बुधबार साँझ विराटनगरस्थित सहिद रङ्गशाला खेलमैदानमा समापन भएको थियो। समापनका क्रममा हिजो बुधबार साँझ फक्स लाइट बालेर खेलाइएको छात्र तर्फको निकै सन्सनीपूर्ण प्रतिस्पर्धात्मक जिल्लास्तरीय फुटबल प्रतियोगितामा विराटनगरको कान्तिपुर कलेजले रेडस्टार माविलाई ० का विरुद्ध १
पश्चिम नवलपरासीको रामग्राम नगरपालिका–१२ पचगाँवामा बिहीबार बेलुकी प्रहरीले लागुऔषध कारोबारीलाई पक्राउ गर्न गोली चलाएको छ। पक्राउ पर्नेमा सोही स्थानका ५२ वर्षीय राजेश लोनिया रहेका छन्। प्रहरीको गोली लागेर लोनिया घाइते भएका छन्।नवलपरासी जिल्ला प्रहरी कार्यालयका प्रवक्ता डिएसपी रेशम बोहराका अनुसार लोनियाको घरमा लागुऔषध कारोबार भइरहेको सूचना पाएपछि प्रहरी टोली पुगेको थियो। लागुऔषध नियन्त्रण ब्युरो भैरहवा शाखाका प्रहरी नायब निरीक्षक सागर भट्टराईको नेतृत्वमा ५ जनाको टोली घटनास्थलमा पुगेको थियो।प्रहरीले ब्राउन सुगरसहित दुई जनालाई नियन्त्रणमा लिन खोज्दा उनीहरू प्रहरीमाथि जाइलागेको र पेस्तोल खोस्न खोजेप
सुनसरी - एभरेस्ट साइन्स सेन्टर नेपाल (ESCN) ले १६ गतेदेखि १८ गते सम्म शान्तिवन, सुनसरीमा "विज्ञान, अन्तरिक्ष र रोबोटिक्स" सम्बन्धी कार्यशाला आयोजना गरेको छ। यस कार्यक्रममा कोशी प्रदेशका माननीय मुख्य मन्त्री हिक्मत कुमार कार्की प्रमुख अतिथिका रूपमा उपस्थित हुनुहुन्छ।कार्यशालामा विभिन्न शैक्षिक संस्था र विद्यार्थीहरूको सहभागिता रहेको छ, जसमा विश्व आदर्श एकेडेमी इटहरी, ग्रेडेड सेडेन्ड्री वोडिङ स्कूल बिराटनगर, सेलेन्डाइन बोडिङ स्कूल सुर्खेत, हातुसा लिरल स्टार स्कूल कपिलवस्तु, काशी नोवेल एकेडेमी रूपन्देही र सुकुना म. बि. सुन्दर हरैचा लगायतका प्रतिष्ठानका विद्यार्थीहरू सहभागी भएका छन्।कार्यक्
विराटनगर – नेपाली कांग्रेसका वरिष्ठ नेता डा. शेखर कोइरालाले संविधान संशोधन नेपाली कांग्रेस वा नेकपा (एमाले) को मात्रै एजेन्डा नभई राष्ट्रिय मुद्दा भएको बताएका छन्।नेपाल डेमोक्रेटिक लयर्स एशोसिएसन र नेपाली कांग्रेसको पेशागत तथा बुद्धिजीवी विभागले बिहीबार विराटनगरमा आयोजना गरेको "संविधान संशोधन: आवश्यकता र चुनौती" विषयक अन्तरक्रियामा बोल्दै उनले संविधान संशोधनको आवश्यकता, प्रक्रिया र चुनौतिबारे गम्भीर छलफल हुनुपर्ने बताए। संविधान संशोधन सबै नेपाली नागरिकको साझा विषय भएकाले यसलाई कुनै एक पार्टीको एजेन्डा बनाएर अघि बढ्न नसकिने उनको भनाइ थियो।संविधान संशोधनको बहस सबैको सहभागितामा हुनुपर्छसंविधान सं
ताप्लेजुङ – ताप्लेजुङका प्रमुख छ राजनीतिक दलहरूले पाथीभरा मुक्कुमलुङ क्षेत्रमा उत्पन्न असहज परिस्थितिको समाधानका लागि वार्ता र संवादमार्फत सहमति खोज्न आह्वान गरेका छन्।नेपाली कांग्रेस, नेकपा (एमाले), नेकपा (माओवादी केन्द्र), राष्ट्रिय स्वतन्त्र पार्टी, नेपाल कम्युनिष्ट पार्टी (एकीकृत समाजवादी) र नेपाल कम्युनिष्ट पार्टी (लिम्बूवान) ले संयुक्त विज्ञप्ति जारी गर्दै आन्दोलनरत पक्ष, राज्य पक्ष, र केवलकार निर्माण पक्षबीच संवाद गरी समस्या समाधान गर्न आग्रह गरेका हुन्।संयुक्त विज्ञप्तिमा ताप्लेजुङ जिल्लामा लगानीमैत्री वातावरण निर्माण गर्न सबै पक्षलाई अनुरोध गरिएको छ। साथै, माघ १२ गते पाथीभरा क्षेत्रमा
सुनसरी – विज्ञान, अन्तरिक्ष र रोबोटिक्समा रुचि राख्ने विद्यार्थी तथा अनुसन्धानकर्ताहरूका लागि लक्षित Science, Space & Robotics (SSR) Camp आजदेखि सुनसरीको बर्जु–५, शान्तिवनस्थित एभरेष्ट साइन्स सेन्टर नेपालमा सुरु भएको छ। उक्त शिविरको उद्घाटन सम्माननीय मुख्यमन्त्री हिक्मत कुमार कार्कीज्यूले गर्नुभएको छ।तीन दिनसम्म सञ्चालन हुने यो शिविरमा विज्ञान, प्रविधि, अन्तरिक्ष अनुसन्धान र रोबोटिक्ससम्बन्धी विभिन्न कार्यशाला, प्रदर्शनी तथा प्रशिक्षण कार्यक्रमहरू समावेश गरिएका छन्। आयोजक एभरेष्ट साइन्स सेन्टर नेपाल परिवारका अनुसार शिविरमा विद्यार्थी, शिक्षक, अनुसन्धानकर्ता तथा प्रविधिमा रुचि राख्नेहरू सहभ
सुनसरी - ताप्लेजुङको पाथीभरा क्षेत्रमा केबलकार निर्माणका विषयमा भएको विवाद वार्ता र संवादमार्फत समाधान गर्न सांसद योगेश भट्टराईले आह्वान गर्नुभएको छ।‘नो केबलकार समूह’ ले वार्ताका लागि निर्माण कार्य रोक्नुपर्ने, सशस्त्र प्रहरी फिर्ता गर्नुपर्ने, र पक्राउ परेका कार्यकर्ताहरूलाई विना शर्त रिहा गर्नुपर्ने माग राखेको छ। कोशी प्रदेश सरकारको वार्ता समितिले पहल गरे पनि आन्दोलनकारीहरूले मेची राजमार्ग र तमोर कोरिडोर दोस्रो दिन पनि बन्द राखेका छन्।
एजेन्सी -युरोपेली च्याम्पियन्स लिगमा आज राति १८ खेल हुँदैछन्।लिभरपुल २१ अङ्कसहित शीर्षस्थानमा छ, जबकि बार्सिलोना, आर्सनल, रियल मड्रिड, पीएसजीजस्ता टोली नकआउट चरणका लागि संघर्षरत छन्। सबै खेल नेपाली समयअनुसार राति १:४५ बजे सुरू हुनेछन्।
मोरङ -वन मन्त्रालयले रातो बाँदर र बँदेललाई कृषि हानिकारक वन्यजन्तु घोषणा गरेको छ। माघ १० गतेदेखि लागू हुने गरी एक वर्षका लागि यी जनावरलाई हानिकारक सूचीमा राखिएको छ। यो घोषणासँगै खेतबारीमा यस्ता जनावरले नोक्सानी गर्दा लखेट्दा वा मार्दा किसानले कानुनी कारबाही भोग्नुपर्ने छैन।मन्त्रालयका अनुसार, यसअघि पनि बँदेललाई २०८० मंसिर ७ गते एक वर्षका लागि कृषि हानिकारक जनावर घोषणा गरिएको थियो। किसानहरूको व्यापक गुनासोका आधारमा रातो बाँदरलाई पनि यस सूचीमा समावेश गरिएको हो।रातो बाँदर र बँदेलका कारण खेतीबालीमा व्यापक क्षति हुने गरेको किसानहरूको गुनासो छ। यस निर्णयले कृषि क्षेत्रमा राहत पुग्ने विश्वास मन्त्राल
विराटनगर - पूर्व राष्ट्रपति विद्यादेवी भण्डारीले आफू तत्कालै दलको सक्रिय राजनीतिमा फर्किने वा नफर्किनेबारे कुनै ठोस निर्णयमा नपुगेको स्पष्ट पारेकी छिन्। सोमबार विराटनगरमा सञ्चारकर्मीसँग कुरा गर्दै पूर्व राष्ट्रपति भण्डारीले नेकपा एमालेमा पुन: सक्रिय हुन लागेको विषयमा उठेका चर्चा र अड्कलबारे आफ्नो धारणा सार्वजनिक गरेकी हुन्।“म एमालेबाट राष्ट्रपति बनेको थिएँ। यदि म राजनीतिमा फर्किन्छु भने एमालेमै फर्किन्छु। तर दलको राजनीतिमा फर्किने निर्णय मैले लिएकी छैन,” उनले भनिन्। भण्डारीले नेकपा एमालेको सदस्यता लिनका लागि कुनै निवेदन नदिएको र यस विषयमा दलका नेताहरूसँग कुनै छलफल नभएको पनि स्पष्ट गरिन्।पूर्व
