झापा – झापाको कनकाई नगरपालिका–३, सुरुङ्गा टप्पुमा गाई मार्ने घटनामा संलग्न चार जनालाई प्रहरीले पक्राउ गरेको छ। पक्राउ पर्नेमा दुईजना नेपाली र दुईजना भारतको किसनगञ्जका नागरिक रहेका छन्।
पक्राउ परेकाहरूमा झापा बाह्रदशी गाउँपालिका–४ का ४६ वर्षीय बुधन आलम, उनकी श्रीमती ३९ वर्षीया कुरेसा खातुन, भारतको किसनगञ्जका २० वर्षीय दिलवर हुसेन र उनकी श्रीमती १९ वर्षीया महिदा खातुन रहेका छन्।
झापा जिल्ला अदालतबाट पाँच दिनको म्याद थप गरेर उनीहरूमाथि थप अनुसन्धान भइरहेको प्रहरीले जनाएको छ। प्रहरीका अनुसार उनीहरूमाथि पशुपंक्षी ऐन, २०२८ अन्तर्गत गाईगोरु मार्न नहुने कसुरमा कारबाही प्रक्रिया अघि बढाइएको छ।
घटना पृष्ठभूमि: सामाजिक र धार्मिक रूपमा संवेदनशील मानिने गाई मार्ने घटनाले झापा क्षेत्रका स्थानीय बासिन्दाबीच आक्रोश पैदा गरेको छ। घटनापछि प्रहरी सक्रिय हुँदै दोषीलाई कानूनी दायरामा ल्याउन सफल भएको छ।
प्रहरीले घटनाको विस्तृत अनुसन्धान गरिरहेको र दोषीहरूमाथि कानूनी कारबाही सुनिश्चित गरिने जनाएको छ।
